Հին Կտակարան

Աստվածաշնչի հիմնական բովանդակությունը, որը և իր շուրջն է համախմբում բոլոր թեմաներն ու գրքերը, ի մի բերում սուրբգրային առանձին փաստերը, պատմություններն ու իրողությունները, վերացնում դրանց տեղի ու ժամանակի մեջ սահմանափակվածությունը և տիեզերական, համամարդկային նշանակություն հաղորդում դրանց, Աստծո Որդու՝ Հիսուս Քրիստոսի մասին վարդապետությունն է:

Ս. Գիրքը բաժանվում է երկու անքակտելի մասերի՝ Հին և Նոր կտակարանների: Այն գրքերը, որոնք մարգարեանում ու նախապատրաստում են Հիսուս Քրիստոսի ընդունելությունը, կոչվում են Հին կտակարան:

Քրիստոնեական եկեղեցիներում ընդունված է հինկտակարանային գրքերի հետևյալ բովանդակային բաժանումը՝ օրենսդրական, պատմական, իմաստության և մարգարեական:

Հրեաները Հին կտակարանի 22(39) գրքերը բաժանում են երեք մասի՝ Օրենք (Թորա), Մարգարեներ (Նեբիիմ) և Գրքեր կամ Սրբագիրք (Քեթուբիմ): Ընդունելով միայն Հին կտակարանը՝ նրանք այն անվանում են ըստ այս եռամասնյա բաժանման կամ կրճատ՝ Օրենք:

Հին կտակարանի 39 աստվածաշունչ գրքերը կոչվում են նաև նախականոն:

Օրենսդրական (Հնգամատյան)

Աստվածաշնչի և Հին կտակարանի առաջին հինգ գրքերն են, կոչվում են նաև Հնգամատյան: Համաձայն քրիստոնեական վարդապետության` դրանք գրվել են Մովսես մարգարեի կողմից:

Ծննդոց
Ելք
Ղևտական
Թվեր
Երկրորդ օրենք

Պատմական

Պատմական գրքերում ներկայացվում է Իսրայելի պատմությունը Ավետյաց երկիր մտնելուց մինչև Սելևկյան պետության դեմ մղվող ազատագրական պայքարը:

Հեսու
Դատավորներ
Հռութ
Թագավորություններ Ա
Թագավորություններ Բ
Թագավորություններ Գ
Թագավորություններ Դ
Ա Մնացորդաց
Բ Մնացորդաց
Ա Եզրաս
Բ Եզրաս
Նեեմի
Եսթեր

Իմաստության

Սաղմոս
Առակներ
Ժողովող
Երգ երգոց
Հոբ

Մարգարեական

Եսայի
Օսեե
Ամոս
Միքիա
Հովել
Աբդիա
Հովնան
Նավում
Ամբակում
Սոփոնիա
Անգե
Զաքարիա
Երեմիա
Ողբ
Դանիել
Եզեկիել

Աղբյուր Ք.Հ. հանրագիտարան